Meshkujt që kanë martesë të lumtur jetojnë më gjatë

Meshkujt në lidhje stabile, e cila i përmbush, jetojnë më gjatë, ka treguar hulumtimi i mëhershëm. Kështu është zbuluar që çelësi i jetës së gjatë dhe të lumtur është në familjen e lumtur, lidhje stabile, ndërsa e dëshirueshme është edhe të keni qen.

Në hulumtimin e i cili ka zgjatur madje për 72 vjet kanë marrë pjesë 268 meshkuj të cilët janë përcjellë nga fëmijëria e deri te plakja. Është konkluduar që martesa e mirë dhe afërsia me familjen dhe miqtë janë çelësi për jetë të bukur dhe të gjatë.

Studimi ka treguar që lidhjet me miqtë dhe familjet janë shumë më të rëndësishme se suksesi në punë dhe pasuria. Respektivisht, shumë më e rëndësishme është që mashkulli pranë vetes të ketë femrën të cilën e pëlqen sesa paratë, pasurinë dhe trashëgiminë.

George Vaillant,shkencëtar nga Harvardi, ka thënë që meshkujt të cilët janë në lidhje stabile me shumë dashuri jetojnë më gjatë.

“Lumturia nënkupton inteligjencën emocionale, marrëdhënie të suksesshme, gëzim dhe ndërlidhje”, ka thënë Vaillant, duke shtuar që pikërisht martesa e lumtur dhe e harmonishme ua zgjat jetën meshkujve.

Ai ka thënë që studimi ka zgjatur 72 vjet dhe që vetëm një e katërta e meshkujve që nuk janë martuar jetojnë ende sot, për dallim nga më shumë se një e treta e atyre të cilët jetën e kanë kaluar në martesë të lumtur me shumë dashuri.

“Kurrë nuk është vonë të gjeni lumturinë tuaj. Është shumë e rëndësishme të jetohet në familje të mbushur me dashuri. Madje edhe njerëzit në moshën prej 70 deri 90 vjet bien në dashuri dhe gjejnë shpirtin binjak. Nëse dëshironi të jenit lumtur, por nuk jeni të gatshëm për fëmijë, blini qen i cili do t’ju bëjë të lumtur”, ka theksuar ai, përcjell Daily Telegraph./koha/

A është martesa e mirë për shëndetin? Në përgjithësi hulumtimet sugjerojnë se është. Të martuarit jetojnë më gjatë, kanë qasje më të mirë ndaj kujdesit shëndetësor, bëjnë jetë më të mirë seksuale, përjetojnë më pak stres, kanë jetë-stil të shëndetshëm, dhe në krahasim me të pamartuarit, kanë përqindje më të ulët të sëmundjes së zemrës, diabetit dhe depresionit.

Lista e dobive shëndetësore që vijnë me martesën është e gjatë, në fakt në Amerikë Departamenti i Shërbimeve Njerëzore dhe Shëndetësore e ka bërë këtë pjesë kryesore të kampanjës kombëtare mediale dyvjeçare duke shpenzuar 5 milion dollar për të promovuar dobitë dhe gëzimin e martesës.

Por këtu ka diçka që duhet të dini – meshkujt dhe femrat nuk marrin dobitë e njëjta shëndetësore nga martesa. Jeta seksuale e një mashkullit me gjithë gjasat përmirësohet më shumë se sa ajo e femrës përderisa rreziku i femrës ndaj depresionit tenton të zvogëlohet më shumë nga marrëdhëniet afatgjata siç është martesa.

Në realitet nuk do të thotë se është e nevojshme të martohesh, kuptohet nëse kjo është diçka që nuk ua merr mendja se duhet ta bëni tani. Meshkujt dhe femrat arrijnë shumë dobi shëndetësore vetëm duke jetuar së bashku apo thjeshtë duke qenë në lidhje të qëndrueshme afatgjate, sugjerojnë hulumtimet.

John Gallacher, hulumtues në Universitetin e Mjekësisë Cardiff në Ëales, i cili së fundmi ka publikuar një letër në BMJ Journal për dobitë shëndetësore të marrëdhënieve, thotë, “Nuk mendoj se medoemos është çështje e martesës; por më shumë çështje e nivelit të përkrahjes sociale dhe të lidhjes reciproke.”

Jetëgjatësia: Martesa ofron dobi shëndetësore si: jetë më të gjatë. Në krahasim me të pamartuarit, të martuarit kanë jetë mesatarisht më të gjatë dhe shumë më pakë kanë gjasa të vdesin në moshë të re.

Martesa është veçanërisht e mirë në shmangien e aksidenteve fatale, dhunës dhe telasheve tjera, që janë më të zakonshme tek të rinjtë, thotë Michael Murphy, profesor i demografisë në Shkollën Ekonomike të Londrës dhe autor udhëheqës i studimit të 2007ës. Por, pa marr parasysh moshën, jetëgjatësia e mashkullit duket se përfiton më shumë nga martesa se sa ajo e femres !

esht e vertet...pasi kur ka mirkuptim edhe respekt ndaj njeri-tjetrit jeta esht me e lumtur edhe me e qete se aty ku ka zhurm e shamate