Itali, aksidentohet makina me familjen shqiptare, 1 i vdekur, 3 të plagosur

ROME-Një aksident i rëndë automobilistik është shënuar në Bolonja ku i vdekur ka mbetur një shqiptar ndërsa është plagosur familja e tij.
Mediat italiane bëjnë të ditur se familja shqiptare banuese ne Jesolo të Venecias ishte duke udhëtuar rreth mengjesit me një Opel Astra kur ka ndodhur dhe aksidenti. Si pasojë ka vdekur shtetasi, Petro Hasanaj, 42 vjeç, është plagosur bashkëshortja, 32-vjeçare dhe dy fëmijët djali 13 dhe vajza, 10 vjeç. Mësohet se e rëndë është gjendja e djalit të familjes shqiptare.

Policia italiane po punon për zbardhjen e rrethanave në të cilat ndodhi aksidenti i rëndë.
Për arsye që ende nuk dihen drejtuesi i mjetit, 42-vjecari ka humbur kontrollin e automjetit dhe ka përfunduar jashtë rruge.

Policia italiane bëri me dije se familja shqiptare ishte duke u kthyer në provincën e Jesolo, pas një udhëtimi që kishin bërë në Bolonja.

(d.b/BalkanWeb)