Van Der Meyde: Droga më shkatërroi

Van Der Meyde: Droga më shkatërroi

Njëri ndër talentet më të mëdhenj të futbollit evropian, holandezi Andy van der Meyde në atubiografinë e tij ka pranuar se karrierën e tij ia ka shkatërruar përdorimi i drogës.
“Nga Interi kam ikur në Monaco, ku kam pasur mundësi të fitoj shumë, por atje ka vetëm banesa dhe gruaja ime nuk ndihej rehat. Për këtë arsye ka shkuar në Everton dhe kjo m'u shndërrua si ikje nga realiteti”.

“Kur je futbollist, gjithçka është lehtë sepse për tifozët je Zot. Kam pasur shumë para dhe kam pasur mundësi të blej çka kam dashur. Jam dashuruar në një femër tjetër, e bashkëshorten time e kam gënjyer, edhe pse ajo kishte fakte se po e tradhtoja”, tha Van der Meyde, i cili në ndërkohe është divorcuar.

“Kam jetuar me një shok dhe jam droguar. Një ditë jam zgjuar dhe e kam kuptuar se kjo jetë nuk është për mua dhe se dua të kthehem në Amsterdam, afër familjes dhe futbollit”.

“Ndonjëherë i shtrirë në shtrat mendoj se çfarë lojtari i mirë kam qenë, anësori i dytë më i mirë në Evropë, pas Figos. Gjithçka kam shkatërruar”, ka shkruar në librin e tij Van der Meyde.