Newcastle arrin marrëveshje me Loic Remy

nga Alberti Sun 13 Jan 2013 - 7:18

Newcastle arrin marrëveshje me Loic Remy

Presidenti i Marseille, Vincent Labrune, e ka konfirmuar se kanë arritur një marrëveshje me Newcastle United për transferimin e sulmuesit Loic Remy dhe se i është dhënë leje lojtarit për të negociuar me klubin anglez.
26-vjeçari është kërkuar edhe nga disa klube tjera angleze, mes tyre edhe QPR, por menaxheri Harry Redknapp deklaroi se klubi francez e kishte refuzuar ofertën e tij për sulmuesin.

SkySports njofton se sulmuesi është në rrugë për te Newcastle, pasi që është pajtuar me ofertën që kap shumën e 10 milionë eurove. Ofertë kjo që është pranuar edhe zyrtarisht nga kryesia e Marseille.

“Ne kemi arritur marrëveshje me Newcastlen për transferimin e Remyt. Loic mund t’i fillojë bisedimet me ta”, ka thënë presidenti Labrune për RMC.