Elena di më shumë se “vetëm të grimohet”!

I dashuri i banores së “Big Brother Albania 6”, Elena Lika, thotë se ajo është një vajzë e zgjuar, e lexuar dhe që nuk i pëlqen intrigat. 19-vjeçarja së fundi deklaroi lidhjen e saj me fotografin Endrit Mertiri, duke larguar kështu vëmendjen e meshkujve brenda shtëpisë. Dhe tash del në pah edhe vetë Endriti i cili gjatë një interviste për Panorama flet për të dashurën e tij dhe përshtypjet e gabuara që janë krijuar për të. “Elena është një nga të rejat më me këmbë në tokë që kam njohur, pra është realiste. E njeh mirë veten e saj, me të mirat dhe të këqijat që ka dhe për pasojë edhe dobësitë i kthen në armë për veten. Sikundër më pëlqen shumë fakti që është këmbëngulëse”. “Ajo nuk është biondja e bukur që di vetëm të grimohet, të vishet dhe të bëjë sfilatë. Jo. Ajo është shumë më shumë se kaq. Të gjithë ata që e njohin, e dinë që Elena, ndonëse vetëm 19 vjeçe, ka pjekurinë e një 26-vjeçareje në mendime”, ka thënë i dashuri i saj. “Elena është shumë e zgjuar, është vajzë e lexuar, por intrigat nuk janë pjesë e karakterit të saj. Kështu është krijuar ajo, nuk mund t’i bëjë keq dikujt tjetër për të fituar vetë”, ka shtuar Endriti.

EH ELENA LA NAM KUR ISHT NBIG BROTHER E KA SY E FAQE TDALI NPUBLIK