Vitaminë D, kundër vaginozave

Femrat mund të qëndrojnë larg infeksioneve vaginale duke konsumuar në sasi të mjaftueshme vitaminës D.
Një studim i publikuar kohë më parë në revistën “Journal of
Nutrition”, ka treguar se niveli i ulët i vitaminës D shton rrezikun për
vaginozën bakterore, që është një infeksion i zakonshëm i organit
gjenital femëror dhe i cili mund të ketë ndikim negativ në mbarëvajtjen e
shtatzënisë.
Në studimin, ku kishin marrë pjesë rreth 500 femra,
është treguar se femrat me nivel më të vitaminës D më të ulët se 20
nmol/L ishin për 34% më të rrezikuara për ta fituar vaginozën bakterore
në krahasim me femrat ku niveli i vitaminës D është më i lartë se 80
nmol/L.
Autorët e studimit të publikuar besojnë se efekti i
fuqishëm mbrojtës i vitaminës D mbështetet në ndikimin e kësaj vitamine
në sistemin imun.