Arrat kundër kolesterolit

Konsumimi i vazhdueshëm i arrave ndihmon organizmin të parandalojë probleme kardiovaskulare, duke ulur nivelet e yndyrave.

Ushqimet që ua bëjnë lëkurën perfekte
Një varg studimesh kanë nxjerrë në pah efektin e arrave në uljen e faktorëve të rrezikut kardiovaskular. Arrat përmbajnë në sasi të lartë yndyrave “të mira” (mono dhe poli-të pangopura), që ulin nivelet e kolesterolit LDL (atij të keq).

Përveç të tjerash arrat përmbajnë vitaminë E, si dhe antioksidues të fuqishëm si magnez, që merr pjesë në rregullimin e presionit të gjakut, dhe argininë, një aminoacid që favorizon zgjerimin e enëve të gjakut dhe zvogëlon inflamacionet e arterieve, me efekte të dobishme në qarkullimin e gjakut dhe mbeturinave që duke u grumbulluar favorizojnë mbipeshën.

Një studim spanjoll i publikuar kohët e fundit tek “Archives of Internal Medicine”, ndër të tjera ka vlerësuar efektin e arrave mbi cilësinë dhe sasinë e yndyrave në gjak. Përfundimet treguan se konsumimi i përditshëm i arrave (3-4 kokrra në ditë) mund të zvogëlojë nivelet e kolesterolit të keq LDL mbi 7%.