Chelseat i duhet mbështetja e tifozëve

Chelseat i duhet mbështetja e tifozëve

Mesfushori i Chelseat, John Obi Mikel, ka thënë se suksesi i Bluve nuk ndihmohet nga pakënaqësitë e shprehura në tribuna dhe ka kërkuar mbështetjen e tifozëve.
“Nganjëherë nuk na ndihmon kur tifozët nuk janë të lumtur. Kur e humbni topin, ka presion”.

“Kjo është puna jonë. Tifozët vijnë të shikojnë futboll dhe ne kemi përgjegjësi t’ua shpërblejmë dhe të luajmë mirë. Në secilën ndeshje ne përpiqemi ta bëjmë këtë. Ndonjëherë ka sukses, ndonjëherë jo. Në këto raste na duhen më së shumti”.

“Jam këtu qe shtatë vite dhe tifozët e Chelseat janë fantastikë dhe na kanë mbështetur gjithmonë deri në fund”, ka deklaruar Mikel për The Evening Standard.