Jo kripë fëmijëve

Fëmijët duhet të konsumojnë sasi minimale të kripës, për të parandaluar kështu problemet shëndetësore më vonë gjatë jetës.

Prindërit shpesh u ofrojnë fëmijëve kripë në sasi të tepruar, për t’ua bërë më të shijshëm gjellën ose çfarëdo ushqimi, por ky është një hap i gabuar, thonë ekspertët.

Pasojat e shkaktuara nga kripa e tepërt mund të mos shihen menjëherë, por ato shfaqen me kalimin e moshës dhe shtojnë gjasat për hipertension dhe sëmundjet tjera të zemrës. Përveç prirjes për sëmundje kardiovaskulare, kripa mund t’i bëjë fëmijët më obezë.

Ekspertët thonë se prindërit duhet të bëjnë një kontroll të kujdesshëm të sasisë së kripës te fëmijët e tyre, ndërsa gjatë dy viteve të para produktet ushqimore duhen ngrënë pa kripë.

Shumica e ushqimeve në përgjithësi kanë vetë kripë në përbërjen e tyre, ndaj nuk është e nevojshme teprimi me të.

Ndër produktet e pasura me kripë janë edhe ato që më së shumti konsumohen nga të vegjlit, si mishi, veza apo djathi. Kripa me kujdes duhet të konsumohet edhe te të rriturit.