Gjelat këndojnë me orar

Gjelat këndojnë me orar

Është zbuluar se gjelat zotërojnë një ritëm biologjik 24 orësh. Sujoshi Shimura dhe Takashi Joshimura nga Universitetit Nagoja në Japoni kanë zhvilluar një studim rreth mënyrës së përcaktimit të kohës së këndimit të gjelit në agimin e ditës.
Gazeta Start transmeton se gjatë këtij studimi një grup gjelash janë vendosur në një dhomë të errët në të cilën ishte vendosur dhe një kamera. Megjithëse gjelat mund të këndojnë edhe në orare të tjera të ditës pjesa më e madhe e tyre kënduan në zbardhje të ditës.

Gjelat të cilët u mbajtën në dhomën e errët, pa parë dritën e diellit për dy javë rresht patën një çrregullim të orës biologjike dhe filluan të këndojnë kohë pa kohë. Pasi u mbajtën edhe dy javë të tjera gjelat e harruan fare orën biologjike dhe kështu nuk arritën të dallojnë zbardhjen e ditës.

Studimi i publikuar në revistën Current Biology ka treguar se pas katër javësh, gjelat e humbën plotësisht ritmin e tyre biologjik dhe kishin nevojë për dritë për ta rifituar atë.

nort e matematikes nje burr qe ki8shte ca gjela o zot kendonin perher madje presori mendonte se ja benin nga innati