Elbasan, shfrytëzonin vajza 15-vjeçare për prostitucion

Elbasan, shfrytëzonin vajza 15-vjeçare për prostitucion

Policia e Elbasanit shkatërroi një grup kriminal që shfrytëzonte për prostitucion adoleshente të moshës 15-16 vjeçare.
Operacioni i koduar “Zogjtë e Natës”, i zhvilluar në Elbasan, ka zgjatur të paktën dhjetë orë dhe në pranga kanë përfunduar shtatë shtetas, të cilët dyshohet se rekrutonin vajza minorene dhe ua ofronin ato të moshuarave kundrejt shumave të mëdha.

Nëndrejtori i Drejtorisë së Policisë së Qarkut të Elbasanit, Dorjan Muça, bëri të ditur se pas një investigimi të gjatë u zbulua se të paktën dy vajza adoleshente, të moshës 15 dhe 16 vjeç, shfrytëzoheshin për prostitucion me pagesë deri në dy milionë lekë, nga një bandë e mirëorganizuar, shkruan BalkanWeb.

Sipas funksionarit të lartë të policisë së Elbasanit, vajzat adoleshente ishin rekrutuar në rrjetin kriminal të shfrytëzimit të prostitucionit me pagesë gjatë vitit të kaluar.

Sipas policisë, grupi ishte i mirëorganizuar, kishte shërbim taksi e hotele të posaçme ku zhvillonte aktivitetin. Mësohet se vajzat shfrytëzoheshin për prostitucion me një çmim të pabesueshëm ndaj klientëve, që gjithmonë ishin te moshuar nga bota e biznesit dhe emigrantë. Për të kaluar një natë me minorenet, ata ofronin deri në dy milionë lekë të vjetra.

Policia bëri të ditur se në pranga kanë rënë shtetasit: Miglen Toska - 22 vjeç, K. Rapollari - 16 vjeç, Fabjo Ullorja - 31 vjeç, Sokol Gula - 34 vjeç, Nikolla Kallajxhiu - 45 vjeç, Vasil Nosi - 58 vjeç dhe Artur Gula - 30 vjeç.

Nga kontrolli i banesave të personave të ndaluar u gjet dhe u sekuestrua në cilësinë e provës materiale, një armë zjarri automatike si dhe një sasi fishekësh automatiku.

sa gjynah o zot e tmerrshme tlezosh per shfrytzimin e femijeve nqa vendi jetojm nqa jete qesht kjo bot kshhu cilat jan qellimet e ktyre?pse?pse?pse?