Media kosovare: Berisha sot pranon humbjen

nga **WebMaster** Tue 25 Jun 2013 - 7:30

Gazeta Express në Kosovë shkruan se kryetari i Partisë Demokratike dhe kryeministri Sali Berisha pritet të dalë shumë shpejt në një konferencë për shtyp për të pranuar humbjen.

Gazeta kosovare citon një anëtar të kryesisë së PD-së në kushte anonimiteti. “Berisha sot pranon rezultatin e 23 qershorit, pra humbjen tonë”, citon burimin e informacionit gazeta Express.

Burime nga brenda PD-së thonë gjithashtu për Express se kryeministri Berisha nuk ka dalë të pranojë rezultatin deri më tani nga frika se mos komisonerët e PD-së braktisin qendrat e numërimit, çka do të rriste fitoren e PS-së.

/ Top Channel