Dhunohen nga familjarët, tre gra kërkojnë mbrojtje në polici

nga **WebMaster** Fri 28 Jun 2013 - 9:15

Tre raste të tjera të dhunës në familje janë konstatuar sërish në qytetin bregdetar të Durrësit. Policia e këtij qyteti ka lëshuar një urdhër mbrojtje për tre gra. Drejtoria e Policisë Durrës, ka marrë në mbrojtje një 58-vjeçare nga Durrësi e cila dhunohej fizikisht e psikologjikisht në mënyrë të vazhdueshme nga djali i saj 36-vjeçar me inicialet Sh.D.
Po ashtu, është marrë në mbrojtje edhe një 37-vjeçare nga Durrësi, e cila dhunohej fizikisht dhe psikologjikisht ne menyre sistematike nga djali i saj, 18-vjeçari me inicialet A.B. Gjithashtu, nga ana e kësaj policie është bërë e mundur edhe marrja në mbrojtje e një 48-vjeçareje, e cila dhunohej në mënyrë sistematike nga bashkëshorti i saj me inicialet E.B., përkatësisht 49 vjeç.