13-vjeçarja denoncon në polici të dashurin: "Më la shtatzënë"

nga **An0nim** Sat 3 Aug 2013 - 5:49

Një minorene ka denoncuar të dashurin e saj në polici, pasi ai e kishte lënë shtatzënë dhe nuk merrte përsipër përgjegjësitë e fëmijës. Policia ka arrestuar një 16-vjeçar, i cili akuzohet për marrëdhënie seksuale me të mitura. Vajza vetëm 13 vjeç është në muajin e 3-të të shtatzënisë. Ajo jeton vetëm me gjyshen, pasi prindërit e saj janë emigrantë në Greqi. Vajza me inicialet E.P. i ka treguar policisë se ka pasur lidhje me një djalë 16-vjeçar me iniciale R.T, me të cilin ka mbetur edhe shtatzënë.

Ka qene gjyshja ajo që ka kuptuar simptomat e shtatzënisë të minorenes dhe pas një vizite te mjeku është konfirmuar se vajza është 10-javësh shtatzënë. 13-vjeçarja thotë se, kur i ka treguar të dashurit të saj adoleshent se do të bëhej baba, ai e ka braktisur dhe nuk ka dashur të marrë përgjegjësit e fëmijës.

16-vjeçari R.T. kur është pyetur nga polica, ai ka thënë që ka pas një lidhje me vajzën dhe ka kryer marrëdhënie seksuale me të vazhdimisht, por me dëshirën e të dyve.

Më pas efektivët e Policisë së Elbasanit kanë arrestuar minorenin, i cili akuzohet për “Marrëdhënie seksuale me të mitura”.

/Shekulli Online/ E.L/

nga **An0nim** Sat 3 Aug 2013 - 5:49

ELBASAN – Policia e Elbasanit arrestoi dje një 16-vjeçar, pasi akuzohet për veprën penale “Marrëdhënie seksuale me të mitura”. Në muajin e tretë të shtatzënisë, simptomat shëndetësore që kishte 13-vjeçarja me inicialet E.P. prej tre javësh, kanë bërë që të lindin dyshime tek gjyshja me të cilën jetonte, pasi prindërit e të miturës ishin emigrantë në Greqi.

Pasi ka parë shenja të dukshme, gjyshja e ka çuar mbesën e saj tek mjeku i përgjithshëm, i cili më pas e ka drejtuar për një vizitë tek mjeku gjinekolog, ku edhe u vërtetua se 13-vjeçarja ishte shtatzënë në muajin e tretë, rreth 10 javëshe shtatzënë. E shqetësuar gjyshja e së miturës, e cila nuk kishte dijeni për një lidhje të mbesës së saj, për shkak edhe të moshës, i është drejtuar policisë.

13-vjeçarja në prani edhe të psikologut është marrë në pyetje dhe ka rrëfyer se kishte një lidhje prej disa muajsh me një djalë 16-vjeçar me inicialet R.T. Më pas efektivët e Policisë së Elbasanit kanë arrestuar minorenin, i cili akuzohet për “Marrëdhënie seksuale me të mitura.

Sipas bluve, mësohet se 16-vjeçari është arrestuar pasi në mënyrë të vazhdueshme ka kryer marrëdhënie seksuale, duke e lënë dhe shtatzënë të miturën E.P., 13 vjeç. Ndërsa është marrë në pyetje nga grupi hetimor, minoreni ka deklaruar të njëjtën gjë si edhe 13-vjeçarja.

Ai ka thënë se prej disa muajsh kishte lidhje me të miturën dhe se gjithçka që është kryer nga ana e tyre përsa i përket intimitetit është bërë me dëshirën e të dyve. Megjithatë 16-vjeçari do të përgjigjet për veprën penale për të cilën akuzohet. Materialet në ngarkim të kësaj çështjeje i kanë kaluar Prokurorisë së Rrethit Gjyqësor Elbasan për veprime të mëtejshme.bota-shqip

13-vjeçarja denoncon në polici të dashurin: "Më la shtatzënë"

13-vjeçarja denoncon në polici të dashurin: "Më la shtatzënë"

Re: 13-vjeçarja denoncon në polici të dashurin: "Më la shtatzënë"