Grabitja e kosovarëve në Rrugën e Kombit, policia operacion me helikopter, 1 në pranga

RRËSHEN-Shfaqen sërish maskat në rrugën e Kombit, policia arreston autorin kryesor, ndërsa shpall në kërkim autorin tjetër, i cili dyshohet se një muaj më parë grabiti dhe dy ulqinakë në Rrëshen. 

Ngjarja është shënuar orës 02:30 të mengjesit të sotëm në aksin Reps-Rrëshen, ku persona të maskuar pasi kanë vendosur barrikadë në rrugë dhe nën kërcqnimin e armëve kanë grabitur disa shtetas kosovarë, përkatësisht Cehmi Ahmeti, 51 vjec dhe Osman Cakiqi nga Prishtina, të cilët po shkonin për pushime në Shëngjin. Autorët u marrë atyre një sasi parash dhe sendet personale. 

Ndërhyrja e policisë pas denoncimit nga kosovarët ka qenë e menjëhershme duke arritur në identifikimin e tyre, si dhe arrestimin e autorit kryesor të grabitjes, Ardit Magjuni nga Fushë Arrezi i Pukës, 21 vjeç, ndërsa është shpallur në kërkim autori i dytë Anton Nikolli, po nga Puka. Në operacionin për arrestimin e autorëve kanë marrë pjesë Forcat e Ndërhyrjes së shpejtë në Shkodër, forcat RENEA nga Tirana, ndërsa operacioni është drejtuar nga Zëvendës Drejtori i Përgjithshëm për Rendin dhe Sigurinë në Policinë e Shtetit Muhamet Rrumbullaku. Gjithashtu në këtë operacion për identifikimin e autorëve është përdorur edhe një helikopter i policisë. 

Kjo është grabitja e tretë që shënohet në rrugën e kombit, në një kohë të shkurtër pas asaj në Qafë Çelë të Pukës, ku mbeti i plagosur edhe një fëmijë, si dhe grabitja e dy shqiptarëve nga Ulqini në afërsi të Rëshenit. Dy autorët e grabitjes së fundit, akuzohen edhe për këto dy ngjarje, pasi ndaj tyre janë dokumentuar disa vjedhje të kryera në këtë në Rrugën e Kombit. 

(d.b/News24/BalkanWeb)