Grabitja e bankës në Vlorë, policia zbulon autorët-FOTO

VLORË-Policia e Vlorës zbulon autorët e grabitjes së filialit të një banke 2 vjet më parë në qytetin bregdetar.





Policisë
Qarku Vlorë falë sigurimit të provave shkencore ka bërë të mundur edhe
zbulimin e autorësisë së grabitjes me armë të Raiffeisen Bank në afërsi
të shkollës së Naftës ndodhur më datë 13.12.2010. Nga hetimet e
operacionit ‘Sfida 2’ ka rezultuar se autorët e kryerjes së kësaj
grabitjeje janë shtetasit Nardi dhe Joni Idrizi.

Imazhet që
shihni në foto ngjasojnë me filmat që kemi pare në Tv, por me një
ndryshim, këtu nuk pati asnjë super hero që shpëtoi bankën nga grabitja.
Në fotot e filmuara nga kamerat e sigurisë së Bankës shihet terrori që
kanë bërë 2 grabitësit në filialin e Bankës dhe momentin kur tërheqin
paratë.

Gjatë aksionit të tyre grabitës, dy agresorët kanë
izoluar policin roje duke e lënduar atë dhe menjëherë pasi kanë marrë
paratë janë zhdukur në drejtim të paditur.

Policia zbuloi autorët
pas 2 vitesh fale imazheve te kamerave. Të gjitha materialet
procedurale në ngarkim të shtetasve dhe Joni Idrizi dhe bashkëpunëtorëve
të tyre bazuar në nenin 333/a “Grup i strukturuar Kriminal” të Kodit
Penal i kanë kaluar Prokurorisë për Krimet e Rënda Tiranë pasi këta
shtetas në të gjitha rastet kanë vepruar si Grup i Strukturuar Kriminal.


(d.b/BalkanWeb)