Makina del nga rruga, humb jetën fëmija. Shkaku, shpejtësia e babait

nga **An0nim** Sun 4 Aug 2013 - 2:58

FIER- Një aksident automobilistik i ka marrë jetën një fëmije në Fier. Ngjarja ka ndodhur tek vendi i quajtur kthesa e Patosit, teksa familja e Besik Hasanit po udhëtonte drejt Ballshit. Sipas të dhënave paraprake, makina ka dalë nga rruga si pasojë e shpejtësisë së madhe dhe është përplasur me murin rrethues në anë të rrugës. Burime nga policia bëjnë të ditur se fëmija ka dalë nga makina dhe ka përfunduar disa metra larg si pasojë e përplasjes së fortë të automjetit.

Menjëherë fëmija është transportuar në spital por për shkak të plagëve të rënda në trup ka humbur jetën rrugës, pa arritur atje. Ndërkaq me plagë të rënda është dërguar në spital dhe babai i fëmijës.

Policia ndodhet në vendin e ngjarjes për zbardhjen e shkaqeve të aksidentit fatal. Fëmija është viktima e pestë në 48 orët e fundit.

/Shekulli Online/Përgatiti: E.Sh/