Agim Krasniqi godet me kokë dëshmitarin

nga **Binni** Mon 1 Feb 2010 - 10:41

Ish-komandanti i UÇK-së, Agim Krasniqi është përleshur fizikisht para fillimit të një procesi gjyqësor në Gjykatën e Apelit. Kjo është kumtuar nga gjykata, e cila ka bërë të ditur se Krasniqi i cili ishte sjellë nga burgu i Idrizovës, kishte goditur me kokë një person, i cili duhej të merrte pjesë në procesin e gjykimit të Krasniqit në cilësinë e dëshmitarit, për një vepër penale për vrasje.
Autoritetet e gjykatës së Apelit theksuan se Krasniqi kishte goditur me kokë dëshmitarin, ndërsa pas tollovisë së krijuar policia ka forcuar masat e sigurisë dhe menjëherë e ka kthyer në burgun e Idrizovës të burgosurin Krasniqi. Organet e sigurimit kanë qenë të pamundura që në fillim të ndërpresin këtë incident.

Agim Krasniqi po vuan dënimin prej 6,5 viteve për shkak të pjesëmarrjes në incidentet zgjedhore në zgjedhjet e parakohshme parlamentare të vitit 2008.