Rama: Djegia e mandateve është telenovela e Berishës

Edi Rama, lideri i PS-së, ka kërkuar të shtunën që të mos largohet vëmendja nga ajo që përbën thelbin e problemit, zbardhjen e zgjedhjeve në mënyrë që krimi të mos përsëritet më. Ai ishte në qytetin e Durrësit, ku zhvilloi një tryezë debate me gazetarët e këtij qyteti.
I pyetur për çështjen e mandateve, ai tha se, "Sali Berisha dhe pushteti i sotëm s'ka merak për fatin e PS-së qarja e këtij halli është bërja e një diversioni të vazhdueshëm mbi PS-në. Kjo (mandatet) nuk është një çështje që na shqetëson. Përsëritja e këtij refreni bëhet për të spostuar gravitetin e debatit në telenovela si kjo e radhës, digjen apo nuk digjen mandatet. Ne nuk e ushqejmë këtë telenovelë dhe jemi shumë të keqardhur për rënien në kurth të shumëkujt që bëhet pjesë e diversitetit të Berishës”.
Mandatet tona, tha Rama, janë mandatet e popullit opozitar janë më pak se ç'ka dhënë populli. “Saliu, Iliri dhe Fatosi nuk do të mundem tas shkatërrojnë PS-në. Ajo është garant nga vullneti demokratik i shqiptarëve. PS as nuk shitet as nuk blihet. Përgjigjja që ne kërkojmë është çfarë do të bëhet me lirshmërinë e zgjedhjeve për tu ndarë nga një epokë e shëmtuar e vjedhjes së votës”, tha ai.