CIKËL POETIK NGA KADRI GËRVALLA

QENDRESA


Q- ysh herët

E- ndrruan shekujt

N- ënën Kosovë

D- ardaninë e lashtë

R- epublikë

E- fituar me gjak

S- erbi gacë e mbuluar

A- ndej e këndej-jemi SHQIPËRI...


KENGA NË MES GRILAVE


Në mes grilave

Këndohet pa instrumente

Në mes grilave

Këndohet pa lot

I vetmuar pa zë

Këngën e di vetëm ai

Këngë e fuqishme

Kënduar në mes grilave

Në burgun e Idrizovës

Sot e këndoi

Në mesin e studentëve

Me gitarë

Kosovë

Atdheu im i shtrenjtë.


IDEALI YNË BASHKIM


U nisëm herët

Me ëndrrën e parë

Rrugë të Vështirë

Kemi pas marrë


Mëngjesi na lindi

Në pritën e parë

Ishim këmbë zbathur

Duart plot varrë

Na ndalën-rrahën

Burgosen-sakatosën

Menduan se na varrosën

Ikën muarën malin

S´mundën të na e ndrrojnë idealin.


Kafazet i kishim me thupra metali

E fort na mbante morali

Lulet e reja hijeshi mali

Qëndresë burrrie

Besë ideali.


Kjo rruga jonë ishte e gjatë

Me lule prilli e larë me gjak

Ideali ynë

Fillim e mbarim

Ishte dhe është

BASHKIM-BASHKIM.