Rama konsultohet me aleatët

Një ditë para tryezës së thirrur nga presidenti Bamir Topi, për të zgjidhur krizën politike Kreu socialist do të konsultohet me përfaqësues të frontit opozitar. PS pritet të mbledhë sot pasdite tryezën e aleateve, e cila do të zgjerohet kësaj here edhe me grupe interesi.
Ndërsa sot në mesditë kreu socialist ka mbledhur në selinë rozë sekretariatin PS për të informuar mbi rezultatin e takimeve të zhvilluara gjatë vizitës së tij në Strasburg.
Ish-pronarë, pensionistë, ish-ushtarakë, minatorë do t'i bashkohen një fronti më të gjerë, që kreu i PS Edi Rama gjatë takimit të tij të pak ditëve më parë me gazetarët në Durrës e quajti "Fronti për Shqipërinë".
Tryeza politike, e thirrur nga presidenti i Republikës, Bamir Topi, për zgjidhjen e krizës të krijuar nga bojkoti parlamentar i PS-së do të zhvillohet nesër në orën 11:00 në mjediset e Presidencës.
Në këtë tryezë pritet të marrin pjesë drejtuesit e dy forcave kryesore politike në vend, kryetari i Partisë Demokratike, Sali Berisha, njëkohësisht kryeministër, dhe kryetari i Partisë Socialiste të opozitës, Edi Rama