Taler shikon vullnet tek Shkupi dhe Athina

Eurodeputeti slloven, Zoran Taler, pas rezolutës së miratuar në PE, thotë se tek autoritetet në Shkup dhe Athinë shikon vullnet për kapërcimin e kontestit me emrin dhe konsideron se pas Kroacisë, Maqedonia e ka rendin për hyrje në BE.
Në rezolutën e miratuar të mërkurën, Parlamenti Evropian kërkon pa anulim të caktohet data për fillimin e negociatave inkuadruese me Maqedoninë në mars. Në periudhën e ardhshme, është me rëndësi të punohet në zgjidhjen e problemit për emrin me Greqinë.
Taler, i cili është raportues për Maqedoninë dhe propozues i rezolutës, kërkoi nga institucionet evropiane dhe nga përfaqësuesja e lartë për politikë të jashtme, Catherine Ashton të jenë aktivë në mbështetjen për kapërcimin e kontestit me emrin nën patronazhin e KB-së.
"Duke pasur parasysh atë që Kroacia është pothuajse në Union, Maqedonia është gjasa e saj e fundit të jetë e suksesshme", deklaroi Taler në konferencën për shtyp pas votimit të raportit për Maqedoninë, qëndrim të cilin, siç tha, ia ka transmetuar edhe komisarit Shtefan Fule.
Sipas Talerit, është me rëndësi fakti që PE ka dhënë rekomandim dhe vendim shumë të qartë dhe kërkohet që në mars të miratohet vendim pozitiv për bisedime me Maqedoninë, siç rekomandoi Komisioni. "Nëse kjo nuk ndodh në mars, nuk do të paraqet katastrofë. Për fat të keq, do të jetë katastrofë nëse ajo edhe më tej zvarritet. Bëjmë gjithçka që të arrihet pajtueshmëri", tha Taler.