Topi të martën takime të veçanta me Ramën dhe Berishën

Negociatat e lëna pezull ditën e tryezës së dialogut do të vijojnë të martën sërish në zyrën e presidentit. Kreu i shtetit, Bamir Topi pritet të thërrasë në takime të veçanta liderin demokrat Sali Berisha dhe atë socialist Edi Rama, në vijim të përpjekjeve për të gjetur një zgjidhje që do të shpjerë në daljen nga kriza politike dhe rikthimin e opozitës në Kuvend.
Mësohet se takimet e veçanta të së martës në Presidencë janë përgatitur nga kanale komunikimi zyrtare mes presidencës, kryeministrisë dhe selisë rozë. Para se të zhvillojë këto takime, presidenti Bamir Topi pritet të takohet fillimisht me ndërkombëtarët, të cilët kanë insistuar shumë herë për zgjidhjen e ngërçit dhe gjetjen e një dialogu mes palëve në tryezë.
Kështu, të martën në Presidencë pritet të mbërrijë kreu i delegacionit të Komisionit Europian në Tiranë, ambasadori Lohan dhe ambasadori i Spanjës, Montobio, vendi i të cilit mban presidencën e radhës të Bashkimit Evropian