Ronaldo: Gjithmonë kam dashur të luaj te Reali

nga **Binni** Thu 18 Feb 2010 - 11:34

Superylli i Real Madridit, Cristiano Ronaldo, ka thënë se gjithmonë ka dashur të luajë për klubin mbretëror, për shkak të madhësisë dhe suksesit të Los Blancos.

Gjatë pjesëmarrjes në programin Casta de Campeones të Telemadrid, portugezi ka deklaruar se që në fëmijëri ka ëndërruar ta veshë fanellën e Realit.

“Gjithmonë kam dashur të luaj te Real Madridi, për shkak të madhësisë dhe suksesit të klubit”.

“Nuk dija se çfarë të them gjatë prezantimit. Gjithçka shkoi mirë. Ndoshta nuk jam dukur i emocionuar, por unë isha shumë i emocionuar”.

“Këtu ndihem shumë komod dhe pikërisht për këtë erdha. Të luash në Bernabeu është diçka unike dhe e veçantë, por ende kam shumë gjëra për të arritur. Jam shumë i lumtur këtu”, ka thënë portugezi.