Kuvendi debaton zbatimin e kushtetueshmërisë më 4 mars

Kryesia e Kuvendit, ka vendosur që kërkesa e Lidhjes Demokratike të Dardanisë, për të debatuar në seancë për zbatimin e kushtetutshmërisë në pjesën veriore të Mitrovicës, të shtrohet para ligjvënësve në seancën që do të mbahet më 4 mars.
Kreu i legjislativit Jakup Krasniqi, ka theksuar se në këtë seancë Kuvendi do të debatojë dhe do të dalë me një qëndrim, qoftë rekomandime, qoftë deklaratë.
“Kuvendi do ta zhvillojnë debatin dhe debati përcakton formën e, a të rekomandimeve, a të deklaratës apo diçka tjetër. Debati është ai që do të përcaktojë se çfarë dokumenti do të nxjerrë Kuvendi i Kosovës më 4 mars”, ka thënë Krasniqi.
Ai ka theksuar se Lidhja Demokratike e Kosovës, ka ofruar një dokument, si lloj rezolute për të cilën do të merren vesh grupet parlamentare, në mënyrë që në fund të debatit të nxirret një dokument i përbashkët.
Krasniqi nuk dashur të bëjë të qartë se çka përmban dokumenti i sjellë nga LDD-ja, duke thënë se nuk është i obliguar që ta mbajë mend gjithë dokumentin, por ka theksuar se si i tillë nuk është obligativ.
“Nuk është obligativ. Obligativ bëhet vetëm kur të vendosë seanca”, është shprehur Krasniqi. /rtv21/