Qetësohen përmbytjet në Shqipëri

nga Li12i-GG ARMY Fri 26 Feb 2010 - 1:15

Shkodër, 26 shkurt - - Shkarkimet nga hidrocentralet e kasakadës së lumit Drin kanë shënuar rënie gjatë orëve të natës duke u gdhirë dita e sotme, duke sjellë kështu dhe një përmirësim të situatës në zona, raporton Balkanweb. Gjithsesi në zonat ku ka vërshuar uji prej ditës së djeshme, po vazhdon aksioni për evakuimin e banorëve.
Sipas informacioneve nuk ka pasur shtim të nivelit të ujit në lumenjtë e këtij rajoni, por për t’i paraprirë ndonjë situate disa familje të rrezikuara po evakuohen nga forcat e ushtrisë dhe policisë.

Nga përmbytjet e fundit më e prekur rezulton të jetë komuna e Dajçit e Bregut të Bunës. Nga pasditja e djeshme nga komuna e Dajçit të Bregut të Bunës janë evakuuar 142 familje, kryesisht nga fshatrat Darragjat, por dhe nga fshatrat Pentar, Suka Dajç, Shirq dhe Mushan.
Nga informacionet e marra në shtabin e emergjencës rezulton se në fshatin Obot të komunës Ana e Malit janë evakuuar 12 familje, ndërsa nga komuna Velipojë 10 familje.
Gjatë ditës së sotme, shtabi i emergjencës në prefekturën e Shkodrës ka planifikuar një sërë ndërhyrjesh në disa nga zonat problematike, krysisht në përforcimin e argjinaturave në Darragjat të komunës Dajç, në fshatin Ças në komunën Velipojë, në fshatin Ashtë dhe Mali i Jushit të komuns Bushat, etj.
Situata e shkaktuar nga përmbytjet e ditëve të fundit jo vetëm në Shkodër, por edhe në Korçë, është duke u ndjekur dhe nga Komiteti Ndërministror i Emergjencës, i ringritur tre ditë më parë nga qeveria.
Një ditë më parë, Ministri i Bujqësisë, Ushqimit dhe Mbrojtjes së Konsumatorit, Genc Ruli, informoi se përveç përmbytjes së tokave nga uji, probleme mbetet dhe erozioni i shkaktuar nga lumenjtë, shembja masive e dheut etj. Në këto kushte, tha ministri Ruli, kërkohet angazhim më i madh i komunave.
Ndërkohë, ushtria është vënë në dispozicion për çdo evakuim të mundshëm të popullatës dhe blegtorisë, në zonat e përmbytura.
Faleminderit për rekomandimin