Roma i shpallë luftë grafiteve

nga Li12i-GG ARMY Sat 27 Feb 2010 - 0:04

Romë, 27 shkurt – Kryeqyteti i Italisë Roma, i ka shpallur luftë grafiteve dhe ka rritur në mënyrë drastike dënimet për shkrimet e grafiteve, deri në 1 000 euro.
Eksperienca e deritanishme ka treguar se këto dënime nuk mjaftojnë, ndërsa në aksion është përfshirë edhe grupi i nxënësve të shkollave të mesme, që organizon pastrimin e grafiteve.
Në Romë grafitet gjenden kudo, gati në çdo ndërtesë në qytet ekziston ndonjë vizatim apo shkrim i dikujt. Megjithëse disa grafite mund të klasifikohen në art, shumica e tyre në rrugët romake janë larg nga kjo, raporton Deutche Welle.
Nxënësit, të cilët marrin pjesë në pastrim thonë se ironia më e madhe është në atë se disa nga “artistët” e nënshkruar i njohin personalisht. Ata thonë se grafitet më herët janë përjetuar si pjesë e kulturës urbane, se qyteti është thjesht i tillë, por tani shohin se qyteti mund të jetë më i mirë dhe më i pastër.
Organizatorja e grupit, amerikania Rebeka Spicemiller, e cila jeton që 25 vjet në Romë, thotë se thelbi i problemit është mungesa e kulturës qytetare.
“Njerëzit nuk ndjenjë se hapësira publike i takon të gjithëve, por ajo konsiderohet si toka e askujt”, tha ajo.