Procesi ndaj Albin Kurtit, 120 000 nënshkrime kundër

Prishtinë, 27 shkurt - Këshilli kundër procesit gjyqësor ndaj Albin Kurtit njoftoi se janë mbledhur 120 000 nënshkrime deri me datën 26 shkurt të këtij viti.
Në një komunikatë të këtij këshilli thuhet se 66 organizata anëtare të Këshillit janë angazhuar për të mbledhur këto nënshkrime në mbarë territorin e Kosovës.
“Këshilli është duke e përcjellë me vëmendje zhvillimet rreth këtij procesi dhe në ditët në vijim, përveç nënshkrimit të peticionit, do të ndërmarrë edhe aktivitete tjera që kanë të bëjnë me mbylljen e procesit gjyqësor ndaj Albin Kurtit dhe hapjen e hetimeve të pavarura për vrasjet e 10 shkurtit 2007”, theksohet në komunikatë.