Belgjika kthen klandestinet

Belgjika parashikon t'i ktheje te gjithe azilkerkuesit e dy muajve te fundit qe kane ardhur nga Maqedonia dhe Serbia.


"Ne gjykojme mbi bazen e kritereve te permbledhura ne konventen e Gjeneves, por keta njerez qe vine ketu per arsye ekonomike nuk kane te bejne fare me kete konvente, ndaj nuk do te marrin azil. Nga momenti i refuzimit, ata duhet te lene territorin. Nese nuk e bejne, atehere ne do t'i riatdhesojme, duke i mbajtur perkohesisht ne qendrat e paraburgimit", u shpreh Freedy Roosement, drejtor i Pergjithshem i Zyres per te huajt ne Belgjike.

Ne kuader te marrveshjes se riatdhesimit, shpenzimet per kthimin e afro 800 personave ne vendet e tyre te origjines, do t'i mbulojne Serbia dhe Maqedonia. Nderkohe qe te gjithe azilkerkuesit e refuzuar rrezikojne te mos hyjne me ne vendet Shengenit per nje afat ende te pacaktuar

"Ne kuader te direktives europiane per kthimin, do te vendosim nje "entry band" qe do te thote se per nje periudhe te caktuar, qe do te fiksohet ne te ardhmen, ata do te refuzohen te hyjne ne Shengen", u shpreh Roosement.

Problemi i rritjes se kerkesave per azil nga dy vendet e rajonit qe perfituan nga liberalizimi i vizave eshte debatuar dhe ne korridoret e Keshillit te BE-se.
"Kjo ceshtje u diskutua nga vendet antare, dhe ministrja belge do te shkoje ne Shkup per te folur per kete problem dhe e di qe po mblidhet informacion. Natyrisht qe Komisioni do te mbaje shenim mbi keto zhvillime e do te shoh se cdo te ndodhe", u shpreh Komisionerja per Ceshtjet e Brendshme dhe Drejtesine ne BE, Cecilia Malmstrom.

27 Ministrat e Brendshem miratuan ngritjen e nje zyre europiane mbeshtetese per azilin qe synon forcimin e bashkepunimit ne praktike mes vendeve antare dhe vendosjen e nje sistemi te perbashket europian per azilin.