Belgjika debon azilantet

Eshte nisur sot nga Zyra e te Huajve ne Bruksel autobuzi i pare me shtetasit serb e maqedonas qe kishin aplikuar per azil ne Belgjike.

“Jane 3 shofere, nje punonjes nga zyra e te huajve qe do t'i shoqeroje per t'u siguruar qe keta persona do te mberrijne mire ne Kumanove e Presheve, si dhe dy perkthyes qe do t'i shoqerojne per t'i ndihmuar me qellim qe udhetimi te shkoje sa me mire”, ka deklaruar Domenique Ernould, zedhenese e Zyres se te Huajve ne Belgjike.

Autobuzi eshte falas, pasagjeret do te kene vaktet e ushqimit falas dhe do te kthehen ne kushte te mira ne vendin e tyre, sepse ata e dine shume mire qe ne Belgjike nuk mund te marrin azil.

Nga 842 azilkerkues, vetem 41 persona po kthehen vullnetarisht ne vendin e tyre. Njerez te ndryshem shpjegojne se i kane detyruar dhe se jane mashtruar. Autobuzi belg priti per mese 2 ore qe te vinin te gjithe pasagjeret e lajmeruar.

“Vetem nje familje prej 3 anetaresh nuk u paraqit, por nje familje tjeter prej 5 anetaresh ishte e interesuar per t'u nisur, ndaj e pranuam”, ka shtuar Ernould.

Ne nje deklarate me shkrim perpara nisjes, te gjithe pasagjeret kane pranuar se heqin dore nga procedurat e azilit.

I ashtuquajturi “kthim vullnetar” ben te mundur qe keta persona te mos penalizohen ne te ardhmen per te vizituar Europen.

Udhetimi vleresohet te zgjase me pak se 35 ore. Cdo 4 ore jane parashikuar ndalesa per nderrimin e shofereve ne respektim te rregullores se transportit rrugor.

Mengjesin e se enjtes 41 persona do te zbresin me vullnet te lire, te lodhur e te zhgenjyer, ne Presheve e Kumanove.

Nderkohe, Zyra e te Huajve ne Belgjike sot shenoi diten e pare per kete vit ku nuk u paraqit asnje kerkese e re azili nga Maqedonia e Serbia.