“Fol” kritikon Thaçin, Kuçin dhe Pacollin për deklarata të pavërteta

nga Li12i-GG ARMY Sat 27 Feb 2010 - 6:07

Prishtinë, 27 shkurt - Lëvizja “Fol” publikoi sërish të shtunën deklarata të cilësuara të vërteta apo të pavërteta të liderëve vendorë. Për këtë javë, lëvizja ka shkëputur deklarata të kryeministrit Hashim Thaçi e të zëvendëskryeministrit Hajredin Kuçi, por edhe të liderit të AKR-së Bexhet Pacolli.
Menaxheri i programeve në Lëvizjen "Fol", Petrit Zogaj tha se është e pavërtetë deklarata e kryeministrit Hashim Thaçi sipas të cilit qeveria e Kosovës ka hartuar një strategji për veriun dhe se zbatimi i saj ka edhe mbështetjen e plotë të bashkësisë ndërkombëtare.
“ Strategjia për veriun nuk përkrahët nga e tërë bashkësia ndërkombëtare. Strategjia është përpiluar nga qeveria me ndihmën e ICO. BE-ja si tërësi nuk e përkrah strategjinë dhe nuk merret me të”, tha Zogaj.
Edhe deklarata e Fisnik Rexhepit, këshilltar i lartë në Ministrinë e Punëve të Brendshme, se së shpejti do të bëhet lansimi i targave të reja me shenjën e republikës së Kosovës është e pavërtetë, thotë Zogaj.
“ 15 muaj pas këtij afati të paraparë nga MPB, targat nuk janë ende në qarkullim. MPB-ja disa herë gjatë viti 2009 ka dalë me afate të premtimi për targat. Dyshimet të shumta janë hedhur rreth tenderimit për kompaninë që sëhtë dashur të prodhojë targa që do të vihen në qarkullim “ , tha Zogaj.
Kësaj radhe "Fol" ka përfshirë edhe deklaratën e liderit të Aleancës Kosova e Re, Behxhet Pacolli, lidhur me premtimet për njohje të reja të Kosovës.
Lëvizja "Fol" publikoi edhe deklarata të tjera të zyrtarëve. Në “Matësin e së vërtetës” ata e kanë cilësuar si të pavërtetë edhe deklaratën e zëvendëskryeministrit Hajredin Kuçi lidhur me qasjen e institucioneve të ndryshme në dokumente zyrtare.