Vukçevic: Mladic fshihej në Serbi

Komandanti i serbëve të Bosnjës gjatë luftës së viteve ’90-të, Ratko Mladiq, ka qenë në Serbi deri tre vjet më parë, deklaroi Vladimir Vukçevic.
Deklarata e kryeprokurorit serb për krime lufte u bë për mediat vendore. “Ne jemi të informuar për lëvizjet e Ratko Mladicit deri tre vite më parë dhe e dimë se ai ishte në Serbi në atë periudhë”, tha Vukçevic.
Nga ajo kohë, Mladiqi ndryshoi taktikat e fshehjes duke qëndruar larg syve të autoriteteve, shtoi Vukçevic.
Arrestimi dhe dërgimi para Gjykatës së Hagës për ish-Jugosllavinë i Ratko Mladicit dhe Goran Hadzicit janë kushti kryesor për integrimin evropian të Serbisë.