Komisioni hetimor, mblidhet konferenca e kryetarëve

Gjatë ditës së sotme pritet të mblidhet Konferenca e Kryetarëve për të diskutuar mbi kërkesat e Partisë Socialiste për ngritjen e një komisioni hetimor për zgjedhjet e qershorit të vitit të shkuar në Shqipëri.
Lajmi është bërë i ditur nga një letër që kryetarja e Kuvendit, Jozefina Topalli i ka dërguar një ditë më parë kryetarit të Partisë Socialiste, Edi Rama.
Në letër, Topalli i kërkon Ramë që në këtë mbledhje të marrë pjesë edhe kreu i grupit parlamentar të PS-së, i cili nuk është zgjidhur dhe sipas të gjitha gjasave ai do të zgjidhet të mërkurën.
Ende nuk dihet se si do të veprojë Partia Socialiste në mbledhjen e sotme, pasi mospjesëmarrja do të bënte diskutimin krejt formal për shkak të mungesës së përfaqësuesve të opozitës