Prishtina kërkon vendkalime kufitare në Tanushë dhe Bellanoc

Prishtina zyrtare ka kërkuar hapjen e vendkalimeve të reja kufitare me Maqedoninë, edhe atë dy pikat kufitare, në pjesën kufitare Debëllde – Tanushë si dhe Stançiç-Bellanoc.
Kjo kërkesë e bërë i është dorëzuar Ministrisë së Jashtme të Maqedonisë nga ana e të ngarkuarit me punë në ambasadën e Kosovës në Shkup, Skender Durmishi.
Me propozimin për hapjen e pikave të reja të kalimeve kufitare është njohur edhe Qeveria, e cila e ka të njohur problemin e pikave kufitare me Kosovën, mirëpo që deri tani nuk ka ndërmarrë asnjë nismë konkrete.
Durmishi deri tani nuk ka dhënë hollësi për prioritetet e tij në cilësinë e diplomatit të parë kosovar në Shkup. Ai gjithashtu deri tani nuk është pritur edhe nga presidenti Gjorgji Ivanov, një praktikë e ndjekur gjatë dorëzimit të kredencialeve nga ambasadorët e huaj në Maqedoni.
Ushtruesi i detyrës së ambasadorit të Republikës së Kosovës, Skender Durmishi javën e kaluar ia dorëzoi letrat kredenciale sekretarit shtetëror të Ministrisë së Jashtme maqedonase, Abdulkadar Mehmeti.