Shpërthim tjetër në Pakistan

Sulmi është i dyti brenda një jave

Policia pakistaneze thotë se kamikazët kanë detonuar dy bomba në qytetin e Lahorës duke vrarë 45 vetë.


Rreth 100 të tjerë u plagosën nga shpërthimet që ndodhën disa sekonda njëra pas tjetrës dhe duket se kishin si objekt automjete të ushtrisë pakistaneze.

Disa ushtarë ishin midis të vdekurve, por pjesa më e madhe e të vrarëve ishin civilë.

TV pakistanez tregoi pamje të punonjësve të ndihmës së shpejtë që po nxitonin të ndihmonin të plagosurit nëpër ambulanca, ndërsa tymi mbuloi zonën.

Është hera e dytë këtë javë që Lahorë ka qenë objekt i kamikazëve. Një sulm të hënën shkaktoi vdekjen e 13 personave në një ndërtesë që përdorej nga shërbimet sekrete të policisë.