EULEX-i dënon sulmin në veri

EULEX-i dënon sulmin në veri

Misioni i EULEX-it e ka dënuar fuqishëm sulmin në vijën e kufirit (Porta 31) afër Zubin Potokut në veri të Kosovës.
“Sot në mëngjes (13 mars 2010) rreth orës 01.00, një makinë e EULEX-it është qëlluar me armë dhe ka pësuar dëmtime. Po ashtu, një objekt-kontejner i Policisë së Kosovës ka pësuar dëme të vogla nga një mjet shpërthyes”, theksohet në komunikatën e EULEX-it.
“Fatmirësisht, askush nuk u lëndua, por EULEX-i dëshiron të theksojë se ky akt kriminal dhe kundër jetës nuk i shërben interesave të qytetarëve, të të gjitha komuniteteve, në Kosovë”, thuhet në komunikatën e këtij misioni.
Ky akt, siç thekson EULEX-i, nuk i shërben interesave të Kosovës e as tërë rajonit të Ballkanit Perëndimor në rrugën e tyre drejt integrimeve evropiane të mëtejme. “Asnjëherë dhuna nuk mund të jetë zgjidhja”, përfundon komunikata.