Natë tmerri në Itali, katër shqiptarë vdesin në dy aksidente

Itali – Shkon në katër numri i shqiptarëve të vdekur në “natën e zezë” të aksidenteve në Itali.
Sipas mediave italiane, në dy aksidente të ndryshëm pesë persona kanë vdekur, mes të cilëve katër shqiptarë dhe një italian.
Aksidenti i parë dhe më i tmerrshmi ka ndodhur kur mjeti tip Opel vectra në të cilin ndodheshin tre shqiptarë, u aksidentua në rrgët A12 dhe A15 në Vincenza.
Dy prej shqiptarëve gjetën vdekjen në vend, makina u copëtua ndërsa i plagosuri i tretë nuk mundi të mbijetontë në spital (kliko/lexo artikullin mbi këtë ngjarje).
Ndërkohë në Torino, një tjetër aksident ndodhi me një mjet tip Benz në të cilin ndodhej një shqiptar, Julian Murdaka dhe shtetasi italian Filipi Ferrante, përkatësisht 26 dhe 27 vjeç.
Makina e tyre u përplas me një pemë pasi doli nga rruga dhe për pasojë, të dy personat kanë gjetur vdekjen.
Sipas mediave italiane, dy viktimat u vranë në aksident ndërsa po ktheheshin nga një mbrëmje që kishin kaluar me miqtë në Torino në disa lokale nate.