Dy aksidente në Sarandë, katër të plagosur

nga Aяtємιѕα Wed 30 Nov 2011 - 4:22

SARANDE - Katër persona kanë mbetur të plagosur në dy aksidente të ndodhura mesditën e sotme në Sarandë.

Një kamion ka dalë nga rruga në fshatin Coreme, duke u rrëzuar disa metra më poshtë, duke sjellë plagosjen e dy personave që ndodheshin brenda tij.

Bëhet fjalë për 53-vjeçarin Qamil Take dhe 50-vjeçarin Ramiz Shehu, të dy të transportuar në spitalin rajonal të Sarandës.

Ndërkaq, dy persona të tjerë kanë mbetur të plagosur në një aksident në fshatin Vllahat të Delvinës, kur një automjet ka dalë nga rruga duke rënë në kanal.
Sipas policisë, të plagosurit janë: Esma Hamzai dhe Kasem Baxhoja, të cilët ndodhen jashtë rrezikut për jetën.

(er.nu/news24/BalkanWeb)