Korçë, vetëhelmohen me bar miu burrë e grua

Korçe – Policia e Korçës njoftoi pak minuta më parë se dy persona janë vetëhelmuar me bar miu në mënyrë të qëllimshme në fshatin Malit të këtij qarku.
Ngjarja mësohet se ka ndodhur në orët e mbrëmjes së djeshme ndërsa gjatë natës është është marë njoftim se dy personat janë transportuar nga familjarët për në spitalin e Korcës.
Sipas burimeve të policisë, në urgjencën e spitalit rajonal mbërritën në jendje të rëndë të vethelmuar shtetasit me iniciale A.M i datëlindjes 10 shtator 1982 lindur dhe banues ne fshatin Maliq-Korcë dhe shtetasja me inciale E.B vjec 34, lindur në Grabovicë-Pogradec dhe banuese në fshatin Maliq-Korcë.
Të dy personat sipas policisë, bashkëjetonin së bashku prej rreth një viti.
Policia tha se me të marrë informacion për ngjarjen, u krijua grupi hetimor i cili shkoi në vendin e ngjarjes ku nga deklarimet e mara të familjarve, rezulton se dy personat e vetëhelmuar në momentin që kanë pasur efektet e lëndës toksike, u kanë thënë familjarëve ndërsa po kërkonin ndihmë, se kanë pirë ilac miu.
“Nga kqyrja e vendit të ngjarjes u morën dhe sekuestruan dy filxhanë kafeje me mbetje kafe me erë të rëndë.Të vethelmuarit ndodhen në spitalin e Korcës në gjendje kritike për jetën”, tha policia e Korçës.
Sipas saj, hetuesit e këtij institucioni kryen veprimet e nevojshme proceduriale për veprën penale te “shkaktimit të vetvrasjes e mbetur në tentativë” ndërsa ngjarja po hetohet më tej në bashkëpunim me prokurorinë e rrethit