Athinë, vëllai i të dashurës vret me thikë emigrantin shqiptar

ATHINE – Vritet me thikë në Greqi për lidhjen e dashurisë, emigranti shqiptar nga Kukësi.
Ngjarja e rëndë ka ndodhur në kryeqytetin e Greqisë, ku mësohet se ka gjetur vdekjen emigranti shqiptar nga Kukësi, Renato Krasniqi, 22 vjeç.
Ai dyshohet se është qëlluar me thikë nga një shtetas grek, i cili i kishte kërkuar shqiptarit të ndahej nga vajza me të cilën kishte një lidhje intime.
Kjo vajzë, sipas hetimeve të deritanishme, rezulton të jetë motra e shtetasit grek që ka kryer vrasjen me thikë të emigrantit shqiptar.
Familja greke mësohet se ishte vënë në dijeni të lidhjes së vajzës me shqiptarin dhe nuk e kishte pranuar një gjë të tillë.
Të afërmit i kanë kërkuar vajzës të ndahej nga shqiptari dhe pasi fjala e tyre nuk ka dhënë efekt, ata kanë thirrur në ndihmë djalin e tyre i cili ndodhej emigrant në Angli.
Ai u kthye në Greqi dhe kërkoi takim me emigrantin shqiptar të cilit i kërkoi të ndahej nga vajza greke.
Emigranti shqiptar ka thënë se nuk do të tërhiqej dhe pas kësaj, ka ndodhur edhe ngjarja e rëndë ku 22-vjeçari është qëlluar me thikë në përleshje e sipër, duke gjetur vdekjen si pasojë e goditjes në zemër. (