Kinë, ish-mjeku vret me thikë 8 fëmijë në shkollë, 5 të plagosur

KINE – Një ish-mjek, vrau tetë fëmijë dhe plagosi pesë të tjerë në një shkollë. Lajmi është bërë i ditur nga burime të policisë kineze.
Sipas tyre, ngjarja ka ndodhur në një shkollë në Lindje të vendit.
Pesë fëmijët e plagosur me thikë u dërguan menjëherë në spital për ndihmën e parë ndërsa agjentët e policisë filluan hetimet mbi masakrën.
Vrasësi mësohet se ka hyrë forcërisht në shkollë dhe më pas ka qëlluar me thikë tetë fëmijë, duke i lënë të vdekur në vend. Ai sulmoi edhe pesë të mitur të tjerë të pafajshëm.
Ngjarja besohet se është një krim-protestë i mjekut i cili ishte shkarkuar nga detyra pak kohë më parë. Pas shkarkimit dyshohet se ish-mjeku ka pësuar tronditje psikike dhe çrregullime mendore. Ai është arrestuar.
Policia konfirmoi pak më parë se masakra ka ndodhur në qytetin Nanping. Krimi u regjistrua zyrtarisht në polici, sot në ora 7:20 minuta vetëm pak çaste para se të hapejprocesi i mësimit.
Menjëherë pas ngjarjes, autoritetet shtetërore urdhëruan mbylljen e të gjitha shkollave.