Energjia e paster, Italia e sheh shpetimin te ne

Disa vite me pare, Bashkimi Europian i vendosi nje objektiv ambicioz vetes: Brenda vitit 2020, 20 per qind e energjise se konsumuar, duhet te jete me burim te rinovueshem si era, dielli apo uji.

Te gjitha vendet anetare duhet te investojne per te plotesuar kuoten perkatese. Sipas rregullave te veteimponuara, ne rast se nje vend i BE-se nuk ploteson kuoten e vet, atehere do te mund ta importoje diferencen nga nje vend qe e ka tejkaluar kuoten.

Italia, si zakonisht ne keto lloj punesh, rezulton e paafte te plotesoje kuoten e vet. Ne vitin 2020, Italia do te jete ne gjendje te prodhoje vetem gjysmen e asaj qe ka premtuar, ose nje sasi te barabarte me 1.2 milione tone ekuivalent nafte. Pjesen tjeter do te duhet ta importoje, por ka gjetur nje menyre te ndryshme.

“Nje pjese e madhe e energjise se rinovueshme te importuar do te vije nga Shqiperia e vende te tjera”, raporton media italiane.

Vetem se Italia nuk do te pesoje humbje nga importe te tilla, per shkak se kompanite qe do te prodhojne energji te paster ne Shqiperi, jane te gjitha italiane.

“Nga Shqiperia do te importohen 3 miliarde kilovatore energji elektrike e rinovueshme ne vit”, shpjeguan zyrtaret italiane ne Bruksel.

Keto tre miliarde parashikohet te prodhohen nga centralet e energjise se eres ne gjashte projekte te ndryshme sakaq te miratuara ne Shqiperi, por qe asnjeri prej tyre nuk ka nisur ende punen.