Çdo minutë në YouTube vendosen 24 orë video

nga **Binni** Sun 21 Mar 2010 - 21:09

YouTube sapo ka njoftuar se ka arritur edhe tek një rekord i ri, çdo 60 sekonda në këtë shërbim të Google vendosen 24 orë video materiale.

Respektivisht, çdo sekondë derisa ju shëtiteni nëpër YouTube dhe shihni video-incizime të ndryshme, 24 minuta të plotë video ngarkohen në këtë faqe, shkruan portali Mashable.com.

Në muajin mars të vitit 2009, YouTube kishte raportuar se çdo minutë përdoruesit e saj kishin vendosur nga 20 orë video. Kjo nënkupton se në periudhën kohore prej një viti, ngarkimi i video materialeve të reja në YouTube është rritur për më shumë se 17 për qind.

Sa për rikujtim, në muajin prill të vitit 2008, përdoruesit e këtij shërbimi kishin vendosur “vetëm” 12 orë video brenda minutës. Në më pak se dy vjet, YouTube ka dyfishuar këtë ngarkim të video materialeve. E çka është më e mira në këtë muhabet, nuk ka as shenja që ky trend do të bie. /