Shkarkimi i komandove, nënoficeret tek Avokati i Popullit

28 komando nga Forcat e Armatosura të liruara së fundi nga detyra i jane drejtuar Avokatit të Popullit për shkelje të të drejtave të tyre nga Ministria e Mbrojtjes për largim të paarsyetuar.


Duke qenë se ish-ushtarakët me grada nënoficerë u ankuan përgjate misionit të tyre në Afganistan se u ishte shkelur kontrata që firmosën me shtetin, ky reagim i tyre është motivuar si turpërim i Atdheut jashtë vendit dhe rebelim ndaj institucionit.

Gjatë takimit qe komandot kane patur me Inspektorin e Avokatit te Popullit Iliaz Ceco, ata kane shpjeguar se nuk u eshte komunikuar asnje vendim me shkrese zyrtare, nderkohe qe jane informuar nga roja e institucionit se nuk mund te lejoheshin te hynin pasi ishin perjashtuar nga ushtria.

Po keshtu ne pretendimin e tyre thuhet se ata nuk jane rebeluar sikurse cilesohet nga zyrtaret, por kane reaguar per shkeljen e kontrates te firmosur ne gusht 2009, perpara se te niseshin per ne Herat te Afganistanit. Ne dokumentin ne fjale nenoficeret kane firmosur se do paguheshin 60 dollare dita, por kjo shume u eshte tatuar dhe ata kane marre vetem 54 dollare, shkelje kjo sipas tyre qe i ka shtyre te ankohen ne grup ne muajin dhjetor.

Por burime te Ministrisë së Mbrojtjes thone per Top Channel se një ushtaraku nuk i lejohet ankesa dhe reagimi ne grup pasi kjo konsiderohet rebelim.

Zyrtare te Forcave te Armatosura mbajne qendrimin se pergjate muajit dhjetor kur komandot ishin me mision në Herat dhe Shinad kane braktisur misionin duke mos pranuar te dalin me sherbim dhe kjo sipas tyre quhet turperim i vendit me aleatet. Megjithatë këtë të martë ish-komandot do paraqiten serish pranë Avokatit të Popullit per te nisur procedurat për gjetjen e të drejtes së tyre, një mundesi për të zbardhur të vertetën e me trajtimin e ushtarëve në misionet jashtë vendit.