Bushati: Nuk duhen 100 prokurorë, mjafton një komision që hap kutitë

[url=https://ambra.forumattivo.com//lajmet/images/stories/politika/ditmir bushati.jpg] [/url]

/* */





Deputeti i Partisë Socialiste Ditmir Bushati deklaroi sot se vetëm një mazhorance që i trembet të vërtetës që fshihet në kutitë e votimit të 28 qershorit, mund të veprojë sic bëri të premten mazhoranca e Sali Berishës
duke vendosur me diktatin e kartonëve dhe muskujve për një komision i cili mund të bëjë shumcka, por vetëm transparencë jo. “Duke i mohuar në mënyrë arrogante, e për më tepër në shkelje të plotë të ligjit, opozitës të drejtën e saj kushtetuese për të hetuar mbi zgjedhjet e 28 qershorit, Sali Berisha jo që nuk e zgjidhi krizën, por vetëm sa kontribuoi në thellimin e saj. Ajo që përjetuam në Kuvend të premten ishte prova më e qartë se Sali Berisha nuk e do dialogun e konsensusin, duke dëshmuar nivelin mjeran të kulturës demokratike të kësaj mazhorance”, theksoi Bushati.


Këtë të vërtetë të hidhur, vijoi ai, nuk e thotë tanimë vetëm Partia Socialiste, por edhe partnerët tanë ndërkombëtarë. “Dje këta partnerë thanë shkoqur se komisioni hetimor i ngritur nga mazhoranca është një hap i padobishëm që e thellon me tej krizën dhe nuk e zgjidhi atë. Një komision hetimor i ngritur me objekt dhe mjete hetimi të imponuara dhe të pranuara vetëm nga njëra palë, e cila për më tepër është dhe pala e akuzuar, është i papranueshëm dhe si i tillë nuk mund të njihet nga opozita shqiptare”, u shpreh Bushati.
Përsa i përket propozimit të vjetër të Sali Berishës për hetimin e zgjedhjeve nga një grup prej 100 prokurorësh, vijoi ai, do të thoja se nuk duhen 100 prokurorë po vetëm një mazhorance që zbaton Kushtetutën dhe nuk pengon transparencën! “Transparenca e kutive dhe kontrolli i zbatimit të ligjeve është detyra kushtetuese e ligjvenesit. Nuk duhen 100 prokurorë, mjafton një komision hetimor që nuk ndalohet të hapë kutitë”, nënvizoi Bushati