Rama: Qeveria s`bën shpronësimet, bllokoi “Unazën e Vogël”

TIRANE – Kryetari i Bashkisë së Tiranës Edi Rama akuzoi sot qeverinë se nuk po vepron me shpronësimet që do ti hapin rrugë ndërtimit të Unazës së Vogël të Tiranës.
Kryebashkiaku Edi Rama ishte i pranishëm në përfundimin e punimeve të rrugës “Abdi Toptani” ku tha se “qeveria është treguar e shurdhër, pavarësisht apeleve tona të përsëritura për shpronësimet për ndërtimin e Unazës së Vogël”.
Rama shtoi më tej se punimet në rrugën “Abdi Toptani” janë pjesë e skemës për përballimin e fluksit në rritje të trafikut në kryeqytet.
Rama tha se së shpejti fillojnë punimet në shehsin “Skenderbej”. “Do të fillojmë së shpejti punimet në sheshin Skenderbej për vitalizimin e tij”, tha Rama.
Projekti i sheshit Skenderbej parashikon krijimin e hapësirave për këmbësorët dhe biçikletat dhe kufizimin e qarkullimit të automjeteve.