Rama: Qeveria s’mund te mbaje peng kutite

Kryetari i PS, Edi Rama ka deklaruar se kriza politike ne vend ka ngecur tek ceshtja e kutive, te cilat sipas tij mbahen peng nga qeveria.

Ne nje konference per shtyp, Rama eshte shprehur se kutite ku sipas tij fshihet vota e vertete, nuk jane prone e qeverise, por e qytetareve qe shprehen vullnetin e tyre me 28 qershor.

“Politika ka ngecur tek kutite sepse aty jane rrenjet e krizes. Aty grinden dy pale. Ne nuk kerkojme nje te drejte prone dhe pala tjeter nuk mund t’i mbaje peng ato sepse s’do qe t’ia jape opozites. Ne ato kuti jane shpresat dhe aspiratat e atyre qe me 28 qershor hodhen ne leter shprehjen e nje vullneti sovran, qe eshte vullneti i popullit”, ka pohuar Rama.

Lideri i opozites ka theksuar se qeverisja e mire dhe demokracia arrihen atehere kur qeveria kujdeset per qytetarin dhe jo atehere kur ajo tjeterson vullnetin e tij.

“Eshte shume e rendesishme qe te mos harrohet se ne demokraci cilesia e qeverisjes lidhet me nevojen e pashmangshme te qeverise per t’u kujdesur per qytetarin. Cfaredo qe te beje ne kundershtim me interesat e qytetarit, qeveria do te duhet ta paguaje diten kur qytetari hedh opinionin e tij per qeverine. Nese qeveria merr voten kur qytetari s’ja jep, atehere marredhenia qeveri-qytetar kthehet ne nje marredhenie te tjetersuar”, ka nenvizuar Rama.

Me tej shefi i socialisteve ka folur per festen e 8 marsit, ku ka theksuar se te drejtat e grave duhet te jene prioritet ne cdo shoqeri.

“Ne jemi per nje shoqeri te drejte per cdo njeri, pavaresisht gjinise, fese apo ngjyres se lekures. Jam i kenaqur qe politika e re ka nxjerre perfaqesimin e gruas ne Parlament, por kjo nuk eshte shume”, eshte shprehur Rama.

Sipas tij, kete vit 8 marsi i gjen grate, ne vecanti nenat shqiptare, te zhytura ne nje krize ekonomike, e cila ka ardhur si pasoje e keqqeverisjes.

“Ky nuk eshte nje 8 mars si shume te tjeret, por nje 8 mars qe e gjen Shqiperine ne nje krize ekonomike, qe rendon mbi supet e grave shqiptare. Sepse jane ato qe ne kete vend perballen me efektet e krizes qe perdite futen brenda shtepise dhe sjellin nje te re qe familjet shqiptare nuk do te donin ta kishin. Jane nenat e cdo familjeje qe perballen te parat me faturen e energjise, me rritjen e cmimit te ushqimit, sepse jane ato qe gatuajne dhe ushqejne femijet. Turp qeverise, qe dallon nenat shqiptare nese jane socialiste dhe opozitare”, ka shtuar Rama.