Thirrjet antishqiptare, eurodeputeti grek: Athina të ndëshkojë autorët

TIRANE - Eurodeputeti grek Nikolas Kountis (Nicolas Chuantis), njëherësh raporter i Parlamentit Europian për Shqipërinë, dënoi ashpër thirrjet rraciste dhe antishqiptare të Forcave Speciale të Marinës greke gjatë paradës në Ditën e Pavarësisë së Greqisë në Athinë.
Eurodeputeti ka thënë se i denoncon ashpër këto akte të cilat nuk kanë ndikim të mirë në mardhëniet mes du vendeve.
Në një takim me kryetaren e Kuvendit të Shqipërisë, eurodeputeti grek tha se grupi i tij në Parlamentin Europian i ka kërkuar qeverisë greke të gjejë fajtorët dhe të marrë masat e duhura. (Lajmifundit)
Ora 13:00
Thirrjet antishqiptare, protesta para ambasadës greke në Tiranë

TIRANE – Dhjetëra studente nga Vlora, Shkodra dhe nga qytete të tjera të vendit, janë mbledhur sot në një protest para ambasadës greke në Tiranë, kundër thirrjeve antishqiptare dhe ksenofobisë së ushtarëve grekë të cilët kënduan këngë raciste gjatë paradës së 25 marsit në Athinë.
Duke mbajtur në duar flamurin shqiptar kuqezi, studentët kanë hedhur parulla kundër ushtrisë greke e cila ushqen ndjenja të tilla rraciste e paragjykuese në vitin 2010.
Protesta e sotme para ambasadës greke në Tiranë, pason protestat e zhvilluara javën e kaluar para këtij institucioni si dhe reagimet e qytetarëve dhe komunitetit të studentëve që protestuan në Shkodër, në Durrës dhe në Burrel kundër parrullave raciste të ushtrisë greke.
Artikulli i ora: 08:39
Thirrjet antishqiptare të ushtrisë greke, protesta në Shkodër
SHKODER – UPDATE - Qindra studentë, të rinj e banorë të Shkodrës, u mblodhën sot në një protest paqësore para Universitetit “Luigj Gurakuqi” duke kundërshtuar thirrjet dhe këngët antishqiptare të mbajtura gjatë paradës së ushtrisë greke në Athinë.
Studentet mbajten fjalime kunder racizmit grek ndersa ne menyre simbolike kane djegur flamurin grek ne shenje proteste per kenget antishqiptare te brohoritura ne Athine nga Forcat Speciale te Marines gjate parades ne Diten e Pavaresise.
Protesta e sotme në Shkodër pason reagimin e qytetarëve dhe shoqërisë civile pas protestave të zhvilluara para ambasadës Greke në Tiranë, protestave të zhvilluara në Durrës nga studentët e Universitetit të këtij qyteti si dhe reagimeve të qytetarëve në Burrel.
Gjatë protestës së sotme në Shkodër, studentët mbanin në duar pankarta kundër racizmit dhe ksenofobisë së demonstruar nga ushtria greke me anë të thirrjeve “do qepim rrobat me lëkurën e shqiptarëve”.