Gramozi-Skënderbeu, dhunë në stadium, plagosen 2 gjyqtarë

ERSEKE – Ndeshja mes skuadrave Gramozi dhe Skënderbeu u mbyll sot 15 minuta para kohe për shkak të akteve të dhunës në stadium.
Dy gjyqtarë pësuan plagosje të lehtë nga sendet e forta që u hodhën në fushë prej tifozerisë, ndërkohë që është dëmtuar edhe një futbollist i Skënderbeut.
Shkak për incidentet është bërë vendimi i gjyqtarit anësor i cili i dha të drejtën e rivenies ekipit të Skënderbeut në kohën kur takimi kishte hyrë në minutën e 80-të me rezultatin 1-0 në favor të skuadrës së Korçës.
Menjëherë pas vendimit të gjyqtarit, tifozeria e Gramozit ka shpërthyer në sharje e fyerje dhe më tej në gjuajtjen e sendeve të forta në fushë në drejtim të arbitrave.
Dy prejtyre morën plagë si pasojë e akteve të dhunës ndërsa u dëmtua edhe një lojrat i Skëndrebeut.
Gjuajtja e sendeve të forta në fushë vazhdoi derisa gjyqtarët të detyruar deklaruan ndeshjen të mbyllur.
Në stadiumin e Ersekës ishin vendosur sot edhe Forca Speciale të policisë, pas dhunës së shfaqur në disa ndeshje të kampionatit shqiptar muajt e fundit.