Lushnjë, përplasen motorrat, vdes 21-vjeçari, një i plagosur

LUSHNJE – Një 21-vjeçar gjeti vdekjen si pasojë e një aksidenti në afërsi të fshatit Goriçaj në Lushnjë.
Sipas burimeve të policisë, aksidenti ndodhi dje në mbrëmje ndërsa viktima është shtetasi Maringlen Moka, 21 vjeç.
Si pasojëe aksidentit në përplasjen e dy motorrave, policia tha se ka mbetur i plagosur rëndë edhe shtetasi Gerald Kolushi, 25 vjeç, i cili u transportua në drejtim të spitalit Ushtarak në Tiranë për ndihmën e parë mjekësore.
Dëshmitarë nga vendi i ngjarjes, i thanë policisë se njëri nga motorrët e përplasur, nuk ka qenë duke lëvizur në korsinë e duhur pasi po i shmangej ziftit të hedhur në njërën korsi të rrugës.
Aksidenti ka ndodhur 2 kilometër nga autostrada Fier-Lushnje, në kohën kur njëri nga drejtuesit e motorrave po kujdesej të qëndronte në rrugë pa arritur të shikonte mjetin që po vinte përballë.